Kyrkjenuten ligg berre om lag ti meter lågare enn naboen Bringsåsnuten. Nuten ligg nærare Seljord kyrkje – derav namnet – og har ein annan tilkomstveg enn Bringsåsnuten. Turen startar frå kyrkja og går opp mot området der «Sterke-Nils-stoga» tidlegare stod.

Det finst fleire stiar som slyngjer seg oppover, og det er òg mogleg å ta seg fram i fritt terreng over berg. Frå start er det berre nokre hundre meter til toppen, med rundt 100 høgdemeter stigning. Terrenget går gjennom fin og open skog, og turen er både lett og triveleg.

På toppen står ei mast med tilhøyrande masthus – desse passerer du før du kjem heilt fram.