Slettefjell (1180 moh) og Sigurdsbunuten (1079 moh). Lifjell har mange perler. Frå alle kantar. Denne gongen gjekk turen til Lifjell opp frå Slåkja til området på Hjartdalsida. Fyrst gjekk eg opp langs Uppdøla til eg fant ein fin plass å koma over, så opp Løyningen til eg kom på baksida Sigurdsbunuten. Der finn ein fantastiske fjellformasjonar. Nesten som katedralar med fritståande steinblokkar. Eg gjekk opp langs desse for å sjå nærare på dei. Utruleg flotte. Oppe på toppen av Sigurdsbunuten heve du utsikt over heile Lifjellplatået på den eine sida og heile hjartdalsfjella inkl. Gaustadtoppen på den andre. Fantastisk utsikt i alle retningar. Eg gjekk så opp til Slettefjell via Isfisketjønn og dei lange slettene der. Derfrå, ser du heilt til Notodden og ned til Sauland. Gjekk nedatt på eggen til eg kom til Illfiskskaret. Lang tur ned dalen mot Slåkjavatnet og tilbake til sykkelen. 15,3 km og 730 høgdemeter. 4 timars tur.
