Fyljomsnuten (1169 moh) ligg godt inne i naturvernområdet i Brattefjell/Vindeggen. Utsikten frå Fyljomsnuten er fantastisk. Du har full oversikt over slettene nede mot Svain og nedover Heiåi. Vålånuten (1133 moh) på andre sida dalen kjem godt i sikte og ligg nesten parallelt over for kvarandre. Du kan gå frå Småtjønn, der det er parkering, og opp langs Heiåi til Krakset. Derfrå kan du gå vestover og inn i dalen opp mot Fyljomstaul. Du tek av litt før og gjeng på kanten oppover til toppen. Turen blir då på ca 10 km og tek ein 3-4 timar om du legg inn litt pauser. Fine fargar i fjellet nå. Været kan vera noko ustabilt. Men, eg klarte meg bra. Regn på begge sider, men ikkje så mykje i midten. Der gjekk eg.
