Strondfjellet – magisk utsikt (og innsikt) mot Skorve

Strondfjellet er ikkje blant dei mest besøkte fjelltoppane i Seljord – men det burde det kanskje vere. Herifrå får du ei av dei mest slåande utsiktene mot Skorve, og ei naturoppleving som gjev både ro, utsyn og ettertanke. Dette er ein tur for deg som ønskjer å kome opp i høgda, men samtidig gå i stille, mjukt landskap, langt frå trengsel og trafikk.

Turrute: Frå Flatsjå via skyttarbanen på Århusmoen.

Du startar turen frå området ved skytebana på Flatsjå, der det er parkeringsmoglegheitved bommen. Til nokon få bilar. Derifrå går du oppover mot Århusmoen, eit flatt og ope område med stølslandskap og gamle ferdselsårer. Her byrjar turen verkeleg å opne seg.

Etter kvart tek du til fjells, og stien eller tråkket slyngjer seg oppover gjennom lett skog og lynghei, med stadig meir luft under føtene. Når du kjem opp på Strondfjellet, flatar terrenget ut, og framfor deg opnar det seg eit panoramabilde av Skorvefjella, som ruvar i all si kraft. Dette er ein stad for både utsikt og innsikt – du kjenner deg liten og stor på same tid.

Herfrå ser du rett inn i Skorveplatået, med nutar, ryggar og fjellparti som mange berre ser frå dalen. Du får også utsyn over Seljordsvatnet, Århusnutane, og vidare vestover mot Åmotsdal og Telemarks indre fjellområder.

Fakta om turen:

– Lengde: Ca. 6–8 km t/r, avhengig av rute
– Høgaste punkt: Strondfjellet ligg rundt 880–900 moh
– Stigning: Moderat – jamn og roleg
– Nivå: Middels – eigna for dei fleste med litt turerfaring
– Underlag: Sti, traktorveg og fjellterreng

Turtips:

– Gå i seinsommarsol for varm lyngduft og mjukt lys
– Perfekt stad for kaffipause og tankereise
– Kan kombinerast med rundtur via Århusnuten
– Ta med kikkert – her er det mykje å sjå, både nær og fjern