Denne nuten ligg i Seljords yttergrense i Svartdalsheiane mot Åtofjorden i Skjesvatn og Hjartdal. Vill og vakker natur å gå inn i frå Småtjønn, langs Heiåi og opp forbi Smørbekk. Her er det stiar og våte myrar, så vanntette fjellsko er viktig å ha på. På toppen av Vålånuten er det ei stor flott flate med sikkert plass til 10-15 telt. Veldig artig og overaskande. Utsikten mot Heiåi og dalføra der i kring, er fantastisk. På ein god solrik dag vil du kunne sitte å sjå i timesvis, om du vil. Frå parkeringa på Småtjønn er det 10,6 km tur-retur med ca 400 stigningsmeter.