Veggine (1032 moh) litt vest for Grimdalen i Skafsåheia, Tokke. Er det ikkje vidunderleg eller underleg at tinitusen forsvinn, når ein er ute i skog og mark? Eller er det kanskje slik, at lyden legg seg inn i symfonien av summande høyfjellshumler, bekke brus, bjørkesus og ein taktfast gauk i det fjerne? Uansett, det hjelper stort og alt er heilt prima. Starta turen 4 km forbi Grimdalstunet. Der er merka ved vegen. Det er merka sti oppetter dalfør mot Breidvatn. Ein tek av til høgre omlag 2 km opp i stien. Derfrå er det oppetter berga. Du kjem fyrst til ein topp over Grøndalen. Men, ein må lengere. Så, du må videre over ei fantastik flott slette, før du når 1032 moh på Veggine. Strålande utsikt mot Rautefjell i nord, skardet bak Hallbjørnsekken i vest, Eirefjell i aust og Fyresdalsheian i sør. Nydeleg villmark og nesten ingen andre å sjå. Bare ein flink lokal fiskar, som fekk 7 aurar. Total lengde på 11 km med 470 høgde meter. 3-4 timar, må ein regne med.