Astridnatten, på framsida og Seljordsida av Lifjell, er ein flott og krevande topp å nå. Du gjeng opp ved Manheim og Veslestaulparkeringa (ny p-plass). Her er det utruleg flott oppetter liane. Du begynar i skogen. I varme og slit, så gjeng du oppetter mot svaberga. Det blir brattare og brattare. Men, så får du litt meir luft i knollen. Det hjelper, for det er lengere til Astridnatten enn ein skulle tru. Totalt 12 km opp og ned. Og med 860 høgdemeter å bestige, for å nå opp til 1215 moh. Det er ingen barnehagetur, dette her. Men, tar du dagen til hjelp, så skal du sjå at du får både deg sjølv og ungane, opp hit. Veldig flott å gå tur på Lifjell, om det er frampå eller bakpå. God tur!
