Norge er eit vakkert land! Hardangervidda viser dette klart og tydeleg. Det storslåtte i naturen. Vidsynet utover vidda og platåets hav av langstrakte dalar, kullar og søkk. Fire dagars turmarsj over Hardangsrvidda frå Ustaoset til Mogen er gjennomført. Tog til Ustaoset stasjon med påfølgande 9,5 km gåtur til Tuva turisthytte. Ei privat turisthytte, der me overnatta fyste natta. Griseknoke og risotto til middag. Rabarberasuppe med krem og friske jordbær. Vaflar i verdensklasse. Fantastisk vertskap. Me drog vidare kl 9 etter frokost, dagen etter. Ei lang etappe på 27 km til Rauhelleren. Via Heinseter. Det er drugt langt, med tung sekk. Slakt oppover heile vegen. Nydeleg å gå langt inne på vidda. Lite folk å sjå, i forhold til velkjent område. Utslitte og glade for å koma til Raudhelleren kl 18. Der fekk me også strålande bevertning. Tre rettars middag og god drikke i øl/vin/brus. Dette er ei DNT-hytte og den er stor. Me låg på sovesal. Ganske full hytte, med 2 bordsettingar for middag. Gjengen sovna ganske mørbanka. Nattas restitusjon fekk oss opp til frokost kl 07.30. Då var me i gang på etappe 3 frå Rauhelleren til Lågaros kl 08.00. Dit er der 22 nye km. Lang tur, det også. Erfaringane fra dagen før, fekk oss til å justere tempoet litt. Heldigvis ikkje samme lange stigningane. Mer kupert. Flotte fjellvatn og greie stiar. Nokon steinrøyser å forsere. Me kom inn til Lågaros kl 18 på kvelden. Da hadde me gått utanom og forbil alt som fantes av regnvær. Nesten ikkje ein dråpe på oss til nå. Lågaros er ei sjølvbetjeningshytte med eigen hytte-vert. Ein hyggeleg gamal kar, som tok oss godt i mot. Der fekk me rom og me laga egen mat. Heil maks, det og. Fant til og med navna våre i turbøkene frå 1986, då me var på skuletur med friluftsmann, inspirator og lærar Stein Baardseth (som døyde 29 juli), den vinteren. Solnedgang over Hardangervidda, med fjella og jøkulen bak og Bjornesfjorden, er eit flott skue. Me lå oss tidleg denne kvelden også, etter nokon rundar kortspel. Neste morgon og siste dag på turen starta kl 7 med eigenmekka frokost i pose (havregryn). Det er 15 km ned til Mogen og Fjellvåken der nede ved tarmen av Juvikfjorden på Møsvatn. Den måtte me nå før kl 15.30. Klarte det med 45 min. margin. Fekk ei lita regnbyge over oss den siste timen ned mot Møsvatn. Ingen fare. Fjellvåken var inne på Skinnarbu kl 17.00. Litt før tida. Mogen er under rehabilitering og ferdig 2024. Så, der var det stengt. Ein fantastisk lang og fin tur. Gode venner. Utslitte fotblad, men forsatt godt humør. Og kanskje endå bedre; større iver til å gjere slike turar igjen! Tusen takk for turen og lokal Norgesferie er det ypperste ein kan ønske seg av ferie! Total lengde 75 km