Det finst så mange fine skogsturar ein kan gå her i området. Ein av dei vakraste er oppetter den gamle ferdselsvegen langs Kivleåi. Her gjekk dei før i tida når dei skulle til kyrkje – same vegen som helsesyster Gunhild går no om dagane, på veg til jobb nede i bygda.

Du kan byrja frå Prestegarden og gå opp via Harthol, eller du kan ta til frå Åsheimgrendi – nedanfor den raude garasjen. Så må du ta deg nedunder Høgås. Derfrå går stigen oppover gjennom fantastisk natur, forbi Jaranbrekki, og vidare til Sandbrauti før du kjem til Marki.

Til slutt går du gjennom Åmog og opp til Kivledalen. Der kan du snu, eller du kan gå ned att via Venås eller ta vegen tilbake til Åsheimgrendi.

Makan til natur i nærområdet skal du leite lenge etter. Fred og ro. Fuglekvitter og bekkebrus.