Veslesåta opp Ubydalen frå øverst i Nordygdi. Lang tur opp langs stien ved juva i Bøyeåi. Det er langt oppetter liane der. Det er heldigvis traktorveg (2,45 km) nesten til Bjønndalen. Derfrå gjeng det sti (om noko ugått i det siste, kanskje) heilt over til Sundsbarmvatnet. Fyrst må ein klyve oppetter Ubydalen til Ubyfloan. Fantastisk villmark. Eg gjekk opp til Veslesåta (ca 1025 moh), som ligg i Seljord. (Ordalsåta (1137 moh) i Kviteseid). Så, dette er grenselandet mot naboen. Heimatt, gjekk eg på andre sida via Ubystaulan og Skrøyva. Ein del fri gåing i ulendt terreng. Ikkje for alle. Kryssa åi og fant gamle ferdselsvegar nede i der. Veldig moro, men vanskeleg å koma seg fram. Kom oppatt ved Juvland. Og då er traktovegen nedatt god å ha. Total lengde på 14,66 km med ei stigning på 1045 m. Moro at me heve slik natur i nærheten.