Marigrønutan (1248 moh) ligg i ein av dei flottaste naturperlene i Seljord. Oppe i Brattefjell verneområdet ligg det så mange fantastiske plassar. Sletter, toppar og dalføre. Grøne teppelandskap og panoramutsiktar. Me tok turen frå Småtjønn og gjekk via Morgestaul til Venhaug og vidare til Svain. Derfrå opp til Marigrøi og ned i skaret mot Skjesvatn og vestsida av Vålånuten til Smørbrekk. Turen blei på 20 km med 720 høgdemeter. 5 timars gåtid.
